کراچی: ڈپٹی انسپکٹر جنرل آف ٹریفک پولیس پیر محمد شاہ کے زیر استعمال سرکاری گاڑی کا بھی ای چالان ہوگیا۔
ڈی آئی جی ٹریفک نے چالان کی تصدیق کرتے ہوئے بتایا کہ گاڑی کا چالان گارڈن کے قریب ہوا، انہوں نے بتایا کہ ڈرائیور کے سیٹ بیلٹ نہ پہننے کی وجہ سے 10 ہزار روپے کا چالان ہوا، یقینی طور پر چالان بھروں گا۔
ڈی آئی جی ٹریفک نے کہا کہ گاڑی سندھ پولیس سی پی او کے ایڈریس پر رجسٹرڈ ہے، چالان کے بعد ڈرائیور کو سیٹ بیلٹ استعمال کرنے کی سختی سے ہدایت کی گئی ہے۔