پاکستان کی معروف ٹک ٹاکر اور یوٹیوبر ربیکا خان نے انکشاف کیا ہے کہ بالی ووڈ سپر اسٹار اداکار شاہ رخ خان میرے والد کے فین ہیں۔ ربیکا خان ایک پاکستانی ٹک ٹاکر اور یوٹیوبر ہے، انہوں نے کئی سالوں میں سوشل میڈیا پر شہرت حاصل کی ہے، وہ اپنے اسٹائل اور فیملی ولاگنگ کی وجہ سے مشہور ہے۔حال ہی میں انہوں نے نجی چینل کے پوڈ کاسٹ میں شرکت کی جہاں انہوں نے اپنے خاندان اور کیریئر کے بارے میں بات کی۔ربیکا خان نے اس بارے میں بھی بتایا کہ کس طرح ان کے والد کامیڈین کاشف خان نے ان کے سفر میں ساتھ دیا، ربیکا نے انکشاف کیا کہ جب وہ بچپن میں اپنے والد کے ساتھ ہندوستان گئی تھیں اور وہ جانی لیور اور سنجے دت جیسے لوگوں سے ملی تھیں۔ربیکا نے حیران کن انکشاف کرتے ہوئے کہا کہ میرے والد نے بھارت میں ایک کامیڈی شو کیا تھا جو بہت کامیاب ہوا، شاہ رخ خان جیسے سپر اسٹار ناصرف انہیں جانتے تھے بلکہ انہوں نے خود کہا کہ وہ میرے والد کے فین ہیں۔ربیکا خان نے مزید کہا کہ میرے والد ہمیشہ مجھے گائیڈ کرتے ہیں، میرے والد کی سپورٹ اور تجربے نے میری زندگی اور کیریئر میں بہت مدد کی ہے۔