لاہور کی انسداد دہشت گردی کی عدالت نے معروف ڈرامہ نگار خلیل الرحمان قمر ہنی ٹریپ اور اغوا برائے تاوان کیس کا فیصلہ سناتے ہوئے تین ملزمان کو سات، سات سال قید کی سزا سنا دی ہے۔پیر کو انسداد دہشتگری عدالت لاہور کے جج ارشد جاوید نے کیس کا فیصلہ سنایا۔عدالت نے مقدمے کی مرکزی ملزمہ آمنہ عروج، ممنون حیدر اور ذیشان کو سات سات سال قید کی سزا سنائی۔حسن شاہ سمیت دیگر کے خلاف الزامات ثابت نہ ہونے پر عدالت نے ان کو بری کر دیا۔ملزمہ آمنہ عروج سمیت دیگر کو جیل سے فیصلے کے لیے عدالت میں پیش کیا گیا۔گزشتہ برس 15 جولائی کو ڈرامہ نگار خلیل الرحمان قمر کو ملزمان کی جانب سے مبینہ طور پر اغوا کیا گیا تھا۔ ملزمان کے خلاف21 جولائی کو تھانہ سندس میں اغوا اور دہشتگری کی دفعات کے تحت مقدمہ درج ہوا تھا۔اگست میں انسداد دہشتگری عدالت میں کل 11 ملزمان کا ٹرائل شروع ہوا تھا۔ملزمان کے خلاف پراسکیوشن کے 17 گواہان نے شہادت قلمبند کرائی۔ ان میں خلیل الرحمان قمر، ان کے دوست، پولیس اور بینک کا عملہ شامل ہے۔ خلیل الرحمان قمر ہنی ٹریپ کیس کا محض ایک ملزم ضمانت پر رہا ہے۔مرکزی ملزم آمنہ عروج کی درخواست ضمانت لاہور ہائیکورٹ نے مسترد کر دی تھی۔