حافظ نعیم الرحمان کی پریس کانفرنس پر ترجمان میئر کراچی معظم قریشی نے ردعمل دیتے ہوئے کہا کہ حافظ نعیم الرحمان بینظیر انکم سپورٹ پروگرام پر تنقید کی بجائے الخدمت کا آڈٹ کروائیں۔
معظم قریشی نے کہا کہ جماعت اسلامی معصوم شہریوں سے چندہ وصول کر کے اپنی تشہیر پر لگاتی ہے، میئر کراچی جماعت اسلامی کے یو سی اور ٹاؤنز چیئرمین کے حصے کا بھی کام کررہے ہیں، جماعت اسلامی میئر کراچی کے ترقیاتی کاموں سے بوکھلاہٹ کا شکار ہے۔
ترجمان میئر کراچی نے مزید کہا کہ جماعت اسلامی فلسطین کو حق دلانے کے ساتھ ساتھ 9 ٹاؤنز کے رہائشیوں کو بھی ان کا حق دے۔