دوسری مدت کیلئے آسٹریلوی وزیراعظم نے میدان مار لیا


آسٹریلیا کے بائیں بازو کی جانب جھکاؤ رکھنے والے وزیرِاعظم انتھونی البانیز نے قومی انتخابات میں شاندار کامیابی حاصل کی، انہوں نے اپنے حریف قدامت پسند لبرل نیشنل اتحاد کے پیٹرڈٹن کو بھاری مارجن سے شکست دی۔ غیر ملکی خبررساں ادارے ’اے ایف پی‘ کے مطابق تجزیہ کاروں نے کہا ہے کہ عالمی بے یقینی کے اس دور میں انتھونی البانیز کی محتاط مگر مستقل قیادت عوام کو بھا گئی اور انہوں نے سخت گیر اپوزیشن لیڈر پیٹر ڈٹن کو مسترد کردیا۔دوسری جانب، اپوزیشن جماعت کے پیٹرڈٹن نے وزیرِاعظم انتھونی البانیز کو فون کر کے انتخابات میں کامیابی پر مبارکباد دی۔ انہوں نے اپنے حامیوں سے کہا کہ ہم انتخابی مہم کے دوران خاطر خواہ کارکردگی نہیں دکھا سکے اور میں اس شکست کی پوری ذمہ داری قبول کرتا ہوں۔سابق پولیس افسر پیٹر ڈٹن کو یہ غیر معمولی شرمندگی بھی اٹھانا پڑی کہ ان کی اپنی نشست بھی خطرے میں پڑ گئی۔دوسری جانب، انتھونی البانیز کی لیبر پارٹی پارلیمنٹ میں غیر متوقع طور پر بڑی اکثریت حاصل کرنے کی کوششوں میں تھی جس میں انہیں کسی حد تک کامیابی حاصل ہوئی ہے۔قومی نشریاتی ادارے اے بی سی کے معروف انتخابی تجزیہ کار انتھونی گرین نے کہا کہ یہ لیبر کے لیے ایک بڑی جیت ہو سکتی ہے۔ آسٹریلوی وزیراعظم انتھونی البانیز نے انتخابی مہم کے دوران قابل تجدید توانائی کو اپنانے، بگڑتے ہوئے رہائشی بحران سے نمٹنے اور بوسیدہ صحت کے نظام میں سرمایہ کاری کا وعدہ کیا تھا۔دوسری جانب، ان کے حریف پیٹر ڈٹن اپنی مہم کے دوران امیگریشن میں بڑی کٹوتی، جرائم کے خلاف سخت کارروائی اور جوہری توانائی پر طویل عرصے سے عائد پابندی ختم کرنے کے وعدے کیے تھے۔سڈنی یونیورسٹی کے سیاست کے لیکچرار ہنری ماہر نے اے ایف پی کو بتایا ’عالمی عدم استحکام کے وقت ہمیں توقع تھی کہ عوام ایک مستحکم اور موجودہ قیادت کی طرف ہی واپس جائیں گے‘۔ انتخابی مہم کے دوران پیٹر ڈٹن کی جانب سے سرکاری محکموں میں کٹوتی کی پالیسی نے عوام کو نالاں کیا، کیونکہ امریکا میں ایلون مسک کی قیادت میں اسی طرح کی کٹوتیاں بدنظمی کا باعث بنیں۔

 
 

Watch Live TV Channels
Samaa News TV 92 NEWS HD LIVE Express News Live PTV Sports Live Pakistan TV Channels
 

مزید عالمی خبریں

برطانوی پولیس نے ’دہشت گردی کے شبے میں‘ پانچ افراد گرفتار کر لیے

جنگل کی سیر کرتے ہائیکرز کے ہاتھ کروڑوں کی مالیت کا خزانہ لگ گیا

پراسرار بیماری کا شکار نوجوان، جو ٹھنڈے کو گرم اور گرم کو ٹھنڈا محسوس کرتا ہے

سوئٹزرلینڈ نے پہلگام واقعے پر غیر جانبدار تحقیقات میں تعاون کی پیشکش کردی

ولادیمیر پوتن کی جنگ بندی کی پیشکش پر یوکرین کا جواب مبہم ہے: روس

دوسری مدت کیلئے آسٹریلوی وزیراعظم نے میدان مار لیا

بائیں بازو کی طرف جھکاؤ رکھنے والے آسٹریلوی وزیراعظم البانیز کی عام انتخابات میں جیت

امریکہ کے وڈ پیکرز کا ’فَنی کرائم‘، درجنوں گاڑیوں کے شیشے توڑ ڈالے

دفاعی بجٹ 13 فیصد بڑھانے کا فیصلہ

پہلگام حملہ، انڈیا نے پاکستان سے درآمدات پر پابندی لگا دی

پہلگام حملہ، انڈیا نے پاکستان سے تمام درآمدات پر پابندی لگا دی

امریکا نے روس اور یوکرین امن مذاکرات سے دستبردار ہونے کا فیصلہ کر دیا

پہلگام واقعے میں بھارت کشمیری عوام کو نشانہ بنانے کی کوشش کر رہا ہے، واعظ عمر فاروق

انڈین ریاست گوا کے مندر میں بھگدڑ مچنے سے 6 افراد ہلاک، 55 زخمی

انڈین ریاست گوا کے مندر میں بھگدڑ مچنے سے 6 افراد ہلاک، درجنوں زخمی

عالمی خبریں تازہ ترین خبریں
پاکستان کی خبریں کھیلوں کی خبریں
آرٹ اور انٹرٹینمنٹ سائنس اور ٹیکنالوجی