پاک بھارت کشیدگی کے تناظر میں جہاں ایک جانب سرحدوں پر تناو ہے، وہیں دوسری طرف بھارتی میڈیا ایک بار پھر اپنی روایتی سنسنی خیزی اور جھوٹے دعووں کے ساتھ میدان میں آ گیا ہے۔ لیکن اس بار پاکستانی فنکار خاموش نہیں بیٹھے — انہوں نے طنز، ویڈیوز اور ہوشربا حقائق کے ساتھ اس جھوٹ کی چولیں ہلا دی ہیں۔ جھوٹی خبروں کی دوڑ — اور "تباہ شدہ" پاکستان؟ ڈرامائی دعوے، بے بنیاد خبریں اور خیالی کامیابیاں! بھارتی میڈیا نے دعویٰ کیا کہ پاکستان کے شہر کھنڈر بن چکے ہیں، کراچی پورٹ نیست و نابود ہو چکی ہے، وزیراعظم اور آرمی چیف گرفتار ہو چکے ہیں، اور بھارتی فوج نے پاکستانی علاقوں پر قبضہ جما لیا ہے۔ غرض جو فلمی منظرنامہ بھارتی ٹی وی چینلز نے کھینچا، وہ کسی سنجے لیلا بھنسالی کی اسکرپٹ لگتی تھی۔ View this post on Instagram A post shared by Raza Samo (@razasamo8) پاکستانی فنکاروں کی فنکاریاں: لیکن پاکستانی فنکاروں نے اس جھوٹ کو خاموشی سے برداشت نہیں کیا۔ اداکار فیصل قریشی اور تمکنات جیسے فنکاروں نے لاہور اور کراچی سے ویڈیوز شیئر کر کے بھارتی میڈیا کی خیالی دُنیا کو آئینہ دکھایا۔ ان کا طنزیہ سوال: "بھائی، تباہی کہاں ہے؟ ہم تو یہی ہیں، نہ بندرگاہ اُڑی، نہ شہر مٹا، نہ کوئی گرفتار ہوا۔" View this post on Instagram A post shared by Tamkenat Mansoor (@tamkenat) حقیقت بمقابلہ فسانہ: یہ فنکار محض مزاح نہیں کر رہے، بلکہ بھارتی عوام کو یہ دکھا رہے ہیں کہ میڈیا کس قدر گمراہ کن معلومات پھیلا رہا ہے۔ وہ دکھا رہے ہیں کہ سچائی زمین پر ہے، نہ کہ نیوز اسٹوڈیوز میں بٹھائے گئے اینکرز کے منہ میں۔ View this post on Instagram A post shared by memes.walyyy (@meme.walyyy) سچ کا سامنا کرو! ان ویڈیوز نے سوشل میڈیا پر بھی دھوم مچا دی ہے۔ صارفین کھل کر کہہ رہے ہیں کہ اب صرف حکومتوں کا ہی نہیں، بلکہ میڈیا کا بھی احتساب ہونا چاہیے — کیونکہ جنگ صرف بارود سے نہیں، الفاظ سے بھی لڑی جاتی ہے۔