"یہ میرے دادا ہیں، اسکواڈرن لیڈر ارشد سمیع خان۔ ایک سچا ہیرو۔ جنہوں نے 1965 کی جنگ میں دشمن کو آسمان پر ہی ہرا دیا تھا۔ ان کی یہ انٹرویو ویڈیو میرے لیے فخر کا باعث ہے، جہاں وہ دشمن کے جنگی طیاروں کو پرندے کہہ کر تباہی کی داستان سنا رہے ہیں۔ یہ محض تاریخ نہیں، ہماری اصل پہچان ہے!" پاکستانی گلوکار و اداکار اذان سمیع خان نے جذبات سے لبریز ایک ویڈیو شیئر کی جو صرف یاد نہیں، قوم کا فخر بھی ہے۔ اسکواڈرن لیڈر ارشد سمیع خان — 1965 کی جنگ کے وہ نڈر سپاہی جن کی موجودگی میں بھارتی مگ طیارے آسمان پر محض نشانہ بنے۔ یہ کوئی فلمی سین نہیں، بلکہ دشمن کے غرور کو زمین پر گراتی ہوئی ایک سچی کہانی ہے۔ ویڈیو میں ارشد سمیع خان اور اُن کے ساتھی افسران نے مسکراتے چہروں سے بتایا کہ بھارتی جنگی جہاز "چھوٹے پرندے" لگتے تھے جنہیں پاک فضائیہ نے ایسے گرایا جیسے عقاب اپنے شکار کو جھپٹ لیتا ہے۔ View this post on Instagram A post shared by Meer Media Productions (@meermediaproductions) بھارت نے اگر مگ، سکھوئی یا رافیل جیسے جدید طیارے بھی اڑائے، تو بھی پاکستان کے شاہینوں نے اپنی مہارت اور حوصلے سے دشمن کو 1965 میں بھی، اور آج بھی، منہ توڑ جواب دیا ہے۔ اذان کی یہ ویڈیو نہ صرف ایک جنگی ہیرو کو خراجِ عقیدت ہے، بلکہ نئی نسل کے لیے ایک سبق ہے کہ اصل ہیرو وہی ہوتا ہے جو صرف ہتھیار سے نہیں، حوصلے سے لڑے۔ البتہ اذان سمیع کی اس ویڈیو پر صارفین بڑی تعداد میں ان کے والد عدنان سمیع کو نشانہ بنا رہے ہیں جنھوں نے کئی برس پہلے بھارتی شہریت حاصل کی اور اب مودی کی چاپلوسی کرنے کے لئے پاکستان کے خلاف بکواس کرنے سے باز نہیں رہتے۔ صارفین کا کہنا ہے کہ اذان سمیع کے دادا جتنے عظیم تھے والد اتنے ہی بڑے غدار ہیں۔