پاکستانی شوبز انڈسٹری کی پسندیدہ جوڑی زارا نور عباس اور اسد صدیقی ایک بار پھر خبروں کی زینت بن گئی ہے، لیکن اس بار وجہ کوئی خوشی یا پروجیکٹ نہیں بلکہ وہ سوشل میڈیا اسٹوریز ہیں جنہوں نے ان کے رشتے کے مستقبل پر سوالیہ نشان لگا دیا ہے۔ زارا نور عباس نے حال ہی میں انسٹاگرام پر ایک چاند کی تصویر شیئر کرتے ہوئے لکھا: "کیا میں ہار مان لوں یا ایک اور بار کوشش کروں؟" — اس جملے نے مداحوں کو چونکا دیا۔ اور جب کچھ ہی دیر بعد اسد صدیقی نے بھی اپنی اسٹوری پر ایک معنی خیز اقتباس پوسٹ کیا: "کتنی بھی مشکل ہو، ہر تکلیف کی ابتدا ہی اس کا حل بن جاتی ہے", تو ان قیاسیوں کو مزید تقویت ملی کہ کہیں یہ جوڑی کسی جذباتی دوراہے پر تو نہیں کھڑی؟ یاد رہے کہ زارا اور اسد دونوں اپنی پہلی شادیوں کی ناکامی کے بعد 2017 میں رشتہ ازدواج میں منسلک ہوئے تھے۔ ان کا تعلق ایک دوسرے سے نہ صرف فنی تعاون پر مبنی تھا بلکہ سوشل میڈیا پر بھی دونوں ایک دوسرے کے لیے محبت بھرے جذبات کا اظہار کرتے رہتے تھے۔ نومبر 2023 میں جب زارا نے اپنی ماں بننے کی خوشخبری دی، تو یہ خبر مداحوں کے لیے خوشی کی لہر بن کر آئی۔ پھر مارچ 2024 میں ان کی بیٹی "نورِ جہاں" کی پیدائش ہوئی، جس کا چہرہ جوڑی نے پورے ایک سال تک عوام کی نظروں سے اوجھل رکھا۔ اپریل 2025 میں اپنی بیٹی کی سالگرہ پر دونوں نے پہلی بار اس کا چہرہ دکھایا، جو سوشل میڈیا پر خوب سراہا گیا۔ اس کے فوراً بعد ہی دونوں کی پراسرار انسٹاگرام پوسٹس سامنے آئیں، جنہوں نے اس پرفیکٹ کہی جانے والی جوڑی کے رشتے پر شکوک و شبہات کی لکیریں ڈال دی ہیں۔