ایران پر اسرائیلی جارحیت جاری، صیہونیوں کے حملوں میں متعدد بچے شہید ہوگئے۔ ایرانی میڈیا نے اسرائیلی بمباری میں شہید ہونے والے بچوں کی تصاویر جاری کر دیں، تہران میں اسرائیلی حملے کے دوران ، ریڈ کریسنٹ کے طبی عملے کے ارکان بھی شہید ہوئے۔ ایرانی میڈیا کے مطابق حملے میں ریڈ کریسنٹ کی ایمبولینس کو نشانہ بنایا گیا۔دوسری جانب ایرانی فورسز نے ایک بار پھر مقبوضہ علاقوں سے شہریوں کے انخلا کی وارننگ جاری کر دی۔ترجمان کا کہنا ہے کہ بمباری سے بچنے کے لیے فرار ہو جاؤ، تاکہ اپنی جان بچا سکو، ایرانی فورسز نے اسرائیلی عوام کو مخاطب کرتے ہوئے کہا، پاسداران کے ایرو اسپیس فورس کے میزائل تمہیں زیرزمین پناہ گاہوں سے باہر ایک لمحہ بھی گزارنے نہیں دیں گے۔کئی دن ہو چکے ہیں کہ تم نے سورج کی روشنی نہیں دیکھی۔‘بیان میں مزید کہا گیا، ’یقین رکھو، سائرن کی آواز ایک لمحے کو بھی خاموش نہیں ہو گی۔