Getty Imagesآکشن ہاؤس کہا کہنا ہے کہ مریخ کا یہ پتھر نومبر 2023 میں نائجر کے ایک دور دراز علاقے دریافت ہوا تھانیو یارک میں ایک نیلامی کے دوران مریخ کا 'ناقابلِ یقین حد تک نایاب' پتھر کا ٹکڑا 43 لاکھ ڈالر میں فروخت ہوا ہے۔آکشن ہاؤس اور فائن آرٹ کمپنی سوتھبائز کے مطابق 'این ڈبلیو اے' نامی شہابی پتھر کا وزن ساڑھے24 کلو ہے جبکہ یہ 15 انچ موٹا ہے۔آکشن ہاؤس کہا کہنا ہے کہ مریخ کا یہ پتھر نومبر 2023 میں نائجر کے ایک دور دراز علاقے دریافت ہوا تھا اور یہ حجم میں پتھر سے 70 فیصد بڑا تھا۔جب دم دار ستارے زمین کے مدار کے پاس سے گزرتے ہیں تو شہابی پتھر اکثر زمین میں داخل ہو جاتے ہیں۔سوتھبائز کا کہنا ہے کہ اضافی ٹیکسز اور فیس کے اطلاق کے بعد مریخ کے پتھر کی قیمت 53 لاکھ ڈالر پر پہنچ گئی تھی۔آکشن ہاؤس کے مطابق اس شہابی پتھر کا رنگ سُرخی مائل گندمی ہے اور یہ 'ناقابلِ یقین حد تک نایاب' ہے۔Getty Imagesدنیا میں اب تک صرف ایسے 400 شہابی پتھر دریافت ہوئے ہیں۔سوتھبائز میں سائنس اور نیچرل ہسٹری کی نائب صدر کسانڈرا ہیٹن کا کہنا تھا کہ ’یاد رکھیں کہ دنیا کا 70 فیصد حصہ پانی پر مشتمل ہے۔ تو ہم بہت خوش قسمت ہیں کہ یہ شہابی پتھر سمندر میں نہیں بلکہ خشک زمین پر گِرا تھا۔’یہ زمین پر دریافت ہونے والا سب سے بڑا مریخ کا پتھر ہے۔‘ابھی تک یہ بات واضح نہیں ہے کہ 53 لاکھ ڈالر میں یہ پتھر خرید کس نے ہے۔بدھ کو ہونے والی نیلامی میں 100 سے زیادہ اشیا فروخت کے لیے رکھی گئی تھیں۔ ان میں ایک ڈائناسور کا ڈھانچہ بھی تھا جو دو کروڑ 60 لاکھ ڈالر کا فروخت ہوا تھا، جبکہ ایک ڈائناسور کی کھوپڑی 14 لاکھ ڈالر میں فروخت ہوئی تھی۔Getty Imagesخیال رہے کہ سائنسدانوں نے سنہ 2024 میں مریخ پر مائع حالت میں پانی کا ایک ذخیرہ دریافت کیا تھا جو اس سرخ سیارے کی پتھریلی بیرونی پرت کے نیچے گہرائی میں موجود ہے۔امریکی خلائی ادارے ناسا کے مارس انسائٹ لینڈر کے ڈیٹا کے ایک نئے تجزیے سے یہ بات سامنے آئی ہے۔یہ لینڈر سنہ 2018 میں مریخ کی سرزمین پر اترا تھا۔لینڈر کے ساتھ زلزلہ ناپنے والا آلہ سیسمومیٹر بھی بھیجا گيا تھا جس نے مریخ پر چار سال کے دوران ارتعاش یا زلزلوں کو ریکارڈ کیا۔ان زلزلوں اور سیارے کی حرکت کا تجزیہ کرنے سے پتا چلا کہ اس کی پرت کے نیچے پانی موجود ہے۔ یاد رہے کہ انسائٹ کا سائنسی مشن دسمبر سنہ 2022 میں ختم ہوا اور اس دوران لینڈر نے چار سال تک خاموشی سے 'مریخ کی نبض' پر اپنی انگلی رکھی۔ واضح رہے کہ ان چار سال کے دوران اس مشن نے 1,319 سے زیادہ زلزلے ریکارڈ کیے۔جنوبی افریقہ میں تہلکہ مچانے والے ہیرے ’پتھر نکلے‘پرتگال: پتھروں کو ’جنم دینے والے‘ پراسرار پتھر جو اولاد کے خواہشمند جوڑوں کے مددگار سمجھے جاتے ہیں گلگت میں کروڑوں روپے کے پتھر اگلنے والی کان، جہاں ’ہر دھماکے کے پیچھے امید ہوتی ہے‘قیمتی پتھروں نے کان کن کو راتوں رات کروڑ پتی بنا دیاناسا روبوٹ نے مریخ پر پتھروں کے ایسے نمونے جمع کر لیے جو قدیم زندگی کا پتہ دے سکتے ہیں