پاکستان رینجرز (سندھ) اور سندھ پولیس نے خفیہ معلومات کی بنیاد پر کراچی تھانہ بن قاسم کے علاقے میں مشترکہ آپریشن کرکے 2 مطلوب ملزمان کو گرفتار کرلیا۔
آپریشن علیحدگی پسندکالعدم جماعت سے تعلق رکھنے والے شرپسند ملزم عطاء اللہ شر کی موجودگی کی اطلاع پر عمل میں لاتے ہوئے 2 ملزمان زاہد علی مگسی اور عبدالغفور کو گرفتار کرلیا گیا جن کے قبضہ سے ایک موبائل فون برآمد کرلیا گیا۔
گرفتار ملزمان 27 اپریل اور 22 جون 2025 کو دوران احتجاج سرکاری املاک اور گاڑیوں کو نقصان پہنچانے میں ملوث بتائے جاتے ہیں۔
ترجمان رینجرز کے مطابق ملزمان 27 اپریل اور 22 جون 2025 کو احتجاج کے دوران کراچی کے علاقے کاٹھور لنک روڈ پر پولیس کی گاڑی کو آگ لگانے میں ملوث ہیں۔ ملزمان کے مزید 6 ساتھی قانون نافذ کرنے والے اداروں کے ہاتھوں پہلے ہی گرفتار ہوچکے ہیں، گرفتارملزمان کو بر آمد شدہ سامان سمیت مزید قانونی کارروائی کے لیے پولیس کے حوالے کردیا گیا ہے۔