پاکستان رینجرز (سندھ) اور پولیس نے جرائم پیشہ عناصر کے خلاف جاری آپریشن کے دوران کراچی کے علاقے تیسر ٹاؤن میں کامیاب کارروائی کرتے ہوئے موٹرسائیکل چوری میں ملوث گینگ کے ایک اہم ملزم عدنان قریشی عرف میچ کو گرفتار کر لیا۔ گرفتار ملزم کے قبضے سے 5 چوری شدہ موٹر سائیکلیں،5 نمبر پلیٹس،موٹر سائیکل کے تین فوٹو کاپی دستاویزات،ایک اصل موٹر سائیکل دستاویز اور موبائل فون برآمد ہوا۔ ترجمان کے مطابق گرفتار ملزم کراچی کے مختلف علاقوں میں موٹرسائیکل چوری کی وارداتوں میں ناصر خان، عبدالعزیز خان عرف آصف، نبیل عرف کالا، بلاول اور دیگر ساتھیوں کے ساتھ مل کر ملوث رہا ہے۔ گینگ کے دیگر کارندوں کی گرفتاری کے لیے مزید چھاپے مارے جا رہے ہیں۔ گرفتار ملزم کو برآمد شدہ مسروقہ سامان سمیت مزید قانونی کارروائی کے لیے پولیس کے حوالے کر دیا گیا ہے۔