شہر قائد کے علاقوں کریم آباد اور فیروز آباد میں ٹریفک حادثات میں 2 افراد جاں بحق جبکہ 2 افراد زخمی ہوگئے۔
ضلع وسطی کے علاقے کریم آباد کے قریب نامعلوم گاڑی کی ٹکر سے ایک شخص جاں بحق جبکہ 2 افراد زخمی ہوگئے، جاں بحق شخص کی شناخت 25 سالہ سعد ولد خورشید عمر کی حیثیت سے ہوئی جبکہ زخمیوں کے نام عبداللہ ولد صمداور طاہب ولد علی اظہربتائے گئے۔ جاں بحق شخص اور زخمیوں کو عباسی شہید اسپتال منتقل کردیا گیا۔
دوسری جانب فیروز آباد تھانے کے قریب ٹریفک حادثے میں موٹر سائیکل سوار 40 سالہ راجہ وسیم گلزار جاں بحق ہوگیا، پولیس نے سوزوکی کلٹس کار سوار خاتون ڈرائیور امبرین سمیرا کو گرفتار کرکے گاڑی قبضے میں لے لی جس کے خلاف مزید قانونی کارروائی کی جارہی ہے۔