ایشیا کپ کے تیسرے میچ میں بنگلہ دیش نے ہانگ کانگ کو سات وکٹوں سے شکست دے دی ہے۔جمعرات کو ابوظبی میں کھیلے گئے میچ میں بنگلہ دیش نے 144 رنز کا ہدف 18 اوورز میں تین وکٹوں کے نقصان پر حاصل کیا۔بنگلہ دیش کی جانب سے کپتان لٹن داس 59 رنز بنا کر نمایاں رہے جبکہ پرویز حسین ایمان 19 اور تنزید حسن 14 رنز بنا کر آؤٹ ہوئے۔توحید ہرودئے 35 کے ساتھ ناقابلِ شکست پویلین لوٹے۔ہانگ کانگ کی جانب سے عتیق اقبال نے دو اور آیوش شکلا نے ایک وکٹ حاصل کی۔اس سے قبل بنگلہ دیش کی دعوت پر پہلے بیٹنگ کرتے ہوئے ہانگ کانگ کی ٹیم نے مقررہ 20 اوورز میں سات وکٹوں کے نقصان پر 143 رنز سکور کیے تھے۔ہانگ کانگ کی جانب سے نزاکت خان 42 رنز بنا کر نمایاں رہے، ان کے علاوہ ذیشان علی 30، کپتان یاسم مرتضیٰ 28، بابر حیات 14، اعزاز خان پانچ، انشے راتھ چار اور کنچت شاہ صفر پر آؤٹ ہوئے جبکہ کلہان چلو چار اور احسان خان دو رنز بنا کر ناٹ آؤٹ پویلین لوٹے۔بنگلہ دیش کی جانب سے تنظیم حسن ثاقب، رشاد حسین اور تسکین احمد نے دو دو وکٹیں حاصل کیں۔