بالی ووڈ کے معروف اداکار عامر خان اپنی دیرینہ ساتھی گوری سپراٹ سے شادی کے بعد انتہا پسند ہندو گروہوں کی تنقید کا نشانہ بن گئے۔ بھارتی میڈیا اور سوشل میڈیا پر گردش کرنے والی تصاویر اور ویڈیوز کے مطابق بعض انتہا پسند ہندو تنظیموں نے عامر خان کے خلاف احتجاج کیا اور ان کا پتلا بھی نذرِ آتش کیا۔ انتہا پسند ہندوؤں نے عامر خان پر الزام لگایا ہے کہ وہ سوچی سمجھی سازش کے تحت ہندو خواتین سے شادیاں کر رہے ہیں اور ہندوؤں کو کمزور کرنے کا کام کر رہے ہیں۔ احتجاج کے دوران انہیں سنگین نتائج کی دھمکیاں بھی دی گئیں۔ واضح رہے کہ عامر خان نے 5 جولائی کو گوری سپراٹ سے شادی کی۔ اس سے قبل ان کی پہلی شادی رینا دتہ اور دوسری شادی کرن راؤ سے ہوئی تھی۔ رپورٹس کے مطابق گوری سپراٹ برطانیہ میں مقیم ایک تامل خاندان سے تعلق رکھتی ہیں اور ان کا خاندانی پس منظر عیسائیت سے بھی وابستہ بتایا جاتا ہے۔