ایرانی پاسدارانِ انقلاب کے سیاسی نائب جنرل یداللّٰہ جوانی نے عرب ممالک سے مطالبہ کیا ہے کہ وہ اپنے علاقوں سے امریکی افواج کو نکال کر فوجی اڈے واپس لے لیں، بصورتِ دیگر انہیں شدید فوجی کارروائی کا سامنا کرنا پڑسکتا ہے۔ @@3928715@@ خبر رساں ادارے تسنیم کے مطابق انہوں نے دعویٰ کیا کہ ایرانی فوج نے ثابت کر دیا ہے کہ وہ ایران پر حملوں کے لیے استعمال ہونے والے کسی بھی اڈے کے خلاف فیصلہ کن جوابی کارروائی کی صلاحیت رکھتی ہے۔ جنرل یداللّٰہ جوانی نے بالخصوص کویت، بحرین اور اردن کا نام لیتے ہوئے خبردار کیا کہ ان ممالک میں موجود وہ تمام مقامات ایرانی جوابی حملوں کی زد میں آسکتے ہیں جہاں سے ایران کے خلاف کارروائیاں کی جاتی ہیں۔