ترکیہ کے شہر استنبول میں بحیرۂ مرمرا کے اندر دو ترک پرچم بردار کمرشل بحری جہازوں کے درمیان تصادم کا واقعہ پیش آیا ہے۔
ترک حکام کے مطابق حادثے میں ایک جہاز کو بظاہر کوئی نقصان نہیں پہنچا، تاہم دوسرے جہاز کے عملے سے رابطہ منقطع ہوگیا ہے جس پر 10 ارکان موجود ہیں۔
واقعے کے فوراً بعد ترک کوسٹ گارڈز کے جہاز اور ہیلی کاپٹر کو امدادی کارروائیوں اور تلاش کے لیے حادثے کی جگہ پر روانہ کردیا گیا ہے۔