پاکستان کرکٹ بورڈ نے قومی کرکٹرز کو بیرونِ ملک لیگز میں شرکت کے لیے این او سی جاری کردیئے۔ پی سی بی کے مطابق حسن نواز، حنین شاہ، نسیم شاہ، عثمان خان، معاذ صداقت، صاحبزادہ فرحان، سفیان مقیم اور شاداب خان کو 19 اگست سے 21 ستمبر تک کیریبین پریمیئر لیگ کے لیے این او سی دیے گئے ہیں۔ محمد حارث کو 7 اگست سے 20 ستمبر، عثمان طارق کو 8 اگست سے 18 ستمبر اور اسامہ میر کو 7 اگست سے 21 ستمبر تک سی پی ایل کھیلنے کی اجازت دی گئی ہے۔ اسپنر نعمان علی کو لنکا شائر کاؤنٹی کی نمائندگی کے لیے 27 ستمبر تک این او سی جاری کیا گیا ہے۔