پاکستان کے ابھرتے ہوئے نوجوان اسکواش کھلاڑی عمیر عارف نے شاندار کارکردگی کا مظاہرہ کرتے ہوئے ہانگ کانگ جونیئر اسکواش اوپن کا انڈر 17 ٹائٹل اپنے نام کرلیا ہے۔
سنسنی خیز فائنل معرکے میں عمیر عارف نے انگلینڈ کے حریف لیوک میک برائیڈ کو سخت مقابلے کے بعد 2-3 سے شکست دی۔ فائنل میچ میں پاکستانی کھلاڑی کی فتح کا اسکور 4-11، 11-6، 11-5، 9-11 اور 11-4 رہا۔
واضح رہے کہ عمیر عارف ورلڈ جونیئر اور ایشین جونیئر اسکواش چیمپئن شپ میں بھی پاکستان کی نمائندگی کر چکے ہیں، جبکہ وہ بِلکِس اینڈ عبدالرزاق داؤد فاؤنڈیشن کے فیلو بھی ہیں۔