پرتگال میں منعقدہ آئی ٹی ایف ماسٹرز ورلڈ ٹیم چیمپئن شپ کے اوور 45 ایونٹ میں پاکستان نے شاندار کارکردگی کا مظاہرہ کرتے ہوئے سلور میڈل حاصل کر لیا ہے۔ پاکستان نے امریکا، کینیڈا، سویڈن اور میزبان پرتگال کو شکست دے کر فائنل میں جگہ بنائی، جہاں اس کا مقابلہ ٹاپ سیڈ اسپین سے ہوا۔ سنگلز اور ڈبلز کے بعد مقابلہ ایک ایک سے برابر تھا، تاہم فیصلہ کن سنگلز میچ میں اسپین کے فرانسسکو مارٹینز بائنا نے پاکستان کے عقیل خان کو 4-6 اور 2-6 سے ہرا کر ٹائٹل اپنے نام کرلیا۔ 30 سے زائد ممالک اور 300 سے زیادہ کھلاڑیوں پر مشتمل اس عالمی چیمپئن شپ کے ماسٹر کپ میں میڈل جیتنے والا پاکستان ایشیا کا واحد ملک بن گیا ہے۔