"اب چاہے پاک بھارت تعلقات بہتر ہو بھی جائیں، میں یہ شخص (جاوید اختر) پاکستان میں نہیں دیکھنا چاہتی۔ اگر اسے بلایا گیا تو مجھ سے بُرا کوئی نہیں ہوگا۔" پاکستانی اداکارہ اور ٹی وی ہوسٹ نادیہ خان نے ایک بار پھر دل کی بات کہہ دی، لیکن اس بار نشانے پر تھا بھارت کا مشہور مصنف جاوید اختر، جنہوں نے حال ہی میں پاکستان کے خلاف زہر اُگلا۔ اپنے مارننگ شو میں نادیہ خان نے نہ صرف اس بیان پر شدید ردعمل دیا بلکہ آئندہ ایسے افراد کے لیے پاکستان کی سرزمین تنگ کرنے کی بات بھی کھل کر کہی۔ انہوں نے کہا کہ "یہ شخص انتہائی کم ظرف اور گستاخ ہے، جو بھارت میں بیٹھ کر ہمارے ملک کو نشانہ بناتا ہے۔ اب اگر کبھی یہ پاکستان آئے تو اسے عزت نہیں بلکہ چمکتے جوتوں سے خوش آمدید کہنا چاہیے۔" View this post on Instagram A post shared by Niche Lifestyle (@nichelifestyle) نادیہ خان نے اس بات پر بھی زور دیا کہ پاکستانی قوم مہمان نواز ضرور ہے، مگر عزت دینے کے لیے سامنے والے کا اس قابل ہونا بھی ضروری ہے۔ انہوں نے کہا کہ ہمیں اب اس منافقانہ محبت کے چکر سے نکل آنا چاہیے اور کھری بات کرنی چاہیے — کیونکہ ہم امن پسند ضرور ہیں، مگر بے غیرت نہیں! ان کے بیان نے سوشل میڈیا پر تہلکہ مچا دیا ہے، جہاں صارفین نادیہ کے اندازِ بیان کو سراہتے ہوئے کہہ رہے ہیں کہ "بالکل ٹھیک وقت پر، صحیح لہجہ اپنایا گیا!"