مشہور انڈین فلم ’ہیرا پھیری‘ کے تیسرے پارٹ سے اچانک الگ ہو جانے والے ’بابو بھیا‘ فلم میں واپس آ گئے ہیں۔این ڈی ٹی وی کے مطابق پاریش راول نے پھر سے فلم کا حصہ بننے کی تصدیق کی ہے۔ اس سے قبل انہوں نے اکشے کمار کے مقدمے کے جواب میں انہیں 11 لاکھ روپے بھی بمع سود کے واپس کیے۔اس مشہور فلم کا سیکوئل اس وقت مسائل سے دوچار ہو گیا تھا جب اس کے اہم کردار ’بابو بھیا‘ جو کہ پاریش راول نبھاتے رہے ہیں، نے اچانک فلم سے الگ ہونے کا اعلان کیا تھا۔اس کے بعد انڈین میڈیا میں ایسی خبریں بھی چلیں کہ ان کی فلمساز اور اداکار اکشے کمار کے ساتھ کوئی ان بن ہو گئی تھی، تاہم پاریش راول نے اس کی تردید کی تھی۔اچانک علیحدہ ہونے پر اکشے کمار نے پاریش راول پر مقدمہ دائر کرنے کا اعلان کیا جس میں ان سے 25 کروڑ کے ہرجانہ طلب کیا گیا تھا۔سوشل میڈیا پر اتوار کو سامنے آنے والے ہمانشو مہتہ کے ساتھ ایک پوڈ کاسٹ کے دوران  پاریش راول سے جب ہیراپھیری 3 پر کے ’تنازع‘ کے بارے میں پوچھا گیا تو ان کا کہنا تھا کہ اس میں تنازع والی تو کوئی بات نہیں تھی۔ان کے مطابق ’میرا ماننا ہے کہ جب لوگ آپ سے بہت زیادہ پیار کرتے ہیں تو آپ کو زیادہ محتاط ہونا پڑتا ہے کیونکہ آپ کو جو بھی ملتا ہے وہ فینز کی وجہ سے ہی ہوتا ہے اس لیے آپ ایسی باتوں کو سرسری طور پر نہیں لے سکتے۔‘انہوں نے تصدیق کرتے ہوئے کہا کہ انہوں نے اکشے کمار کو 11 لاکھ روپے کی رقم ادا کرنے کے بعد پراجیکٹ میں واپسی کر لی ہے۔ خیال رہے اکشے کمار سنیل سیٹھی اور پاریش راول نے اپریل میں فلم کی شوٹنگ شروع کر دی تھی۔ اس فلم کے پروڈیوسر بھی اکشے کمار ہیں اور انہوں نے یہ اختیارات پروڈیوسر فیروز ناڈیاوالا سے قانونی طور پر خریدے تھے۔2000 میں ریلیز ہونے والی سپرہٹ فلم ’ہیرا پھیری‘ کا دوسرا پارٹ 2006  میں سامنے آیا تھا (فوٹو: نائن نیوز)اس سے قبل پاریش راول سوشل میڈیا کے ذریعے ہی فینز کو اطلاع دے چکے تھے کہ وہ ہیرا پھیری 3 میں شامل ہوں گے۔رپورٹ میں ایک سورس کا حوالہ دیتے ہوئے بتایا گیا ہے کہ پاریش راول نے جنوری میں خود فلم میں شامل ہونے کا اعلان کیا اور انہوں نے اس کے لیے ابتدائی طور پر ہونے والی منصوبہ بندی میں شرکت کی اور شوٹنگ بھی اپنی مرضی سے کرائی، کسی بھی موقع پر عدم اطمینان کا اظہار نہیں کیا جبکہ اب اچانک فرنچائز کے مداحوں کے جذبات سے کھیلتے ہوئے الگ ہونا اور پروڈیوسر کو نقصان پہنچانا بدنیتی ہے۔خیال رہے ہیرا پھیری فلم 2000 میں ریلیز ہوئی تھی اور بہت کامیاب رہی تھی اس کے بعد 2006 اس کا دوسرا حصہ سامنے آیا تھا جبکہ کچھ عرصہ قبل ہی ہیرا پھیری 3 بنانے کا اعلان کیا گیا تھا۔جس پر فینز کی جانب سے خوشی کا اظہار کیا گیا تھا تاہم اب یہ معاملہ التوا میں پڑتا نظر آ رہا ہے اور تجزیہ کاروں کا خیال ہے کہ اگر کیس چل پڑا تو فلم مزید تاخیر کا شکار ہو گی جبکہ بعض شائقین نے معاملے کو افہام و تفہیم سے حل کرنے کی درخواست کرتے ہوئے کہا ہے کہ پاریش راول پھر سے ٹیم میں شامل ہوں کیونکہ ان کے بغیر فلم کا مزہ نہیں آئے گا۔