پولیس اور رینجرز کا ملیر میں منشیات فروشوں اورگٹکا ما فیا کے خلاف کریک ڈاؤن تین ملزمان کو گرفتارکرلیا ترجمان رینجرز کے مطابق رینجرز اور پولیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے ملیر چوکنڈی، مروڑا گوٹھ اور پیپری سندھی گوٹھ سے منشیات فروشی میں ملوث3 ملزمان اعجاز بروہی، نعمان آفریدی (اکرم بلوچ کا قریبی ساتھی) اور اللہ بخش عرف مولو کو گرفتار کرلیا۔ گرفتار ملزمان کے قبضے سے بھاری مقدار میں ہیروئن، آئس، حشیش، 2 عدد موبائل فون اور نقدی برآمد کر لی گئی. گرفتار ملزمان کراچی کے مختلف علاقوں میں منشیات کی خریدو فروخت میں ملوث ہیں۔ ملزم اللہ بخش عرف مولو کے خلاف تھانہ بن قاسم میں ایف آئی آر درج ہے اورملزم پولیس کو مطلوب تھا گرفتار ملزمان کو بمعہ منشیات اور مسروقہ سامان مزید قانونی کاروائی کے لیئے پولیس کے حوالے کر دیا گیا