ٹوکیو میں باکسنگ ایونٹ کے دوران سر پر چوٹ لگنے سے 2 جاپانی باکسرز کا انتقال ہوگیا۔ 28 سالہ باکسر کو ہیروماسا اوراکاوا کو یو جی سائٹو کے خلاف اپنے مقابلے کے آٹھویں راؤنڈ میں 2 اگست کو ناک آؤٹ شکست کا سامنا کرنا پڑا تھا، سر پر چوٹ لگنے کے باعث انہیں اسپتال منتقل کیا گیا تھا جو ہفتے کے روز چل بسے۔ قبل ازیں جمعے کو 28 سالہ شیگیتوشی کوٹاری بھی سر پر چوٹ لگنے کے باعث انتقال کرگئے تھے۔ دونوں باکسرز کے دماغ میں خون جمنے کے علاج کے لیے فوری آپریشن کیا گیا تاہم وہ جانبر نہ ہوسکے۔ ورلڈ باکسنگ آرگنائزیشن نے دونوں باکسرز کے انتقال پر افسوس کا اظہار کیا ہے۔ ٹائٹل فائٹس 12 کے بجائے 10 راؤنڈز پر مشتمل ہوں گی، جاپان باکسنگ کمیشن واقعے کے بعد جاپان باکسنگ کمیشن نے اعلان کیا ہے کہ اب تمام اورینٹل اینڈ پیسفک باکسنگ فیڈریشن ٹائٹل فائٹس 12 کے بجائے 10 راؤنڈز پر مشتمل ہوں گی۔ جاپانی میڈیا کے مطابق کمیشن نے واقعے کی تحقیقات شروع کردی ہیں اور ستمبر میں خصوصی اجلاس بلایا جائے گا تاکہ اموات پر مزید غور کیا جاسکے۔