ایران کےجنوب مشرقی صوبہ سیستان بلوچستان میں ایرانی پاسدارانِ انقلاب نے بڑی کارروائی کرتے ہوئے 13 دہشت گردوں کو ہلاک اور متعدد کو گرفتار کر لیا۔
ایرانی خبر ایجنسی کے مطابق دہشت گردوں کے خلاف کارروائیاں ایرانشہر، خاش اور سراوان کے علاقوں میں کی گئیں۔ پاسدارانِ انقلاب کا کہنا ہے کہ ہلاک ہونے والے دہشت گرد چند روز قبل ایرانشہر میں پولیس پر ہونے والے حملے میں ملوث تھے جس میں 5 پولیس اہلکار جاں بحق ہوئے تھے۔
غیر ملکی میڈیا کی رپورٹس کے مطابق ہلاک دہشت گردوں کا تعلق اسرائیل سے تھا اور عسکریت پسند اسرائیلی خفیہ ایجنسی موساد کے تربیت یافتہ تھے۔