گورنر گلگت بلتستان سید مہدی شاہ نے وزیر اعلیٰ گلگت بلتستان کی سفارش پر 12 رکنی صوبائی کابینہ کی تشکیل کی سمری کی منظوری دے دی، جس کے بعد نئی کابینہ کی تشکیل کا عمل حتمی مرحلے میں داخل ہو گیا ہے۔
منظور شدہ کابینہ میں بلتستان ڈویژن سے پانچ، گلگت ڈویژن سے پانچ جبکہ دیامر۔استور ڈویژن سے دو وزراء کو شامل کیا گیا ہے تاکہ تمام اہم علاقوں کو مناسب نمائندگی دی جا سکے۔
گورنر کی منظوری کے بعد کابینہ ڈویژن جلد نئی صوبائی کابینہ کی تشکیل کا باضابطہ نوٹیفکیشن جاری کرے گا جس کے بعد وزراء اپنے عہدوں کا حلف اٹھائیں گے اور سرکاری ذمہ داریاں سنبھالیں گے۔