بالی ووڈ اداکارہ تنوشری دتہ نے سینئر اداکار نانا پاٹیکر کے انتقال سے متعلق خبر پر شدید ردعمل ظاہر کرتے ہوئے سوشل میڈیا پر ایک سخت پیغام جاری کیا ہے جس نے دونوں فنکاروں کے درمیان برسوں پرانے تنازع کو دوبارہ توجہ کا مرکز بنا دیا ہے۔ View this post on Instagram A post shared by FILMYGYAN VIDEOS (@filmygyanvideos) تنوشری دتہ نے اپنی انسٹاگرام پوسٹ میں نانا پاٹیکر کو مخاطب کرتے ہوئے لکھا کہ گزشتہ 18 برس ان کے لیے انتہائی تکلیف دہ رہے۔ انہوں نے اداکار کے لیے سخت الفاظ استعمال کیے اور کہا کہ انہیں اپنے مبینہ اعمال کی سزا ملنی چاہیے۔ اداکارہ کا یہ ردعمل ان الزامات سے جڑا ہے جو انہوں نے 2018 میں نانا پاٹیکر پر جنسی ہراسانی کے حوالے سے عائد کیے تھے۔ ان الزامات نے اس وقت بھارتی فلم انڈسٹری میں خاصی بحث کو جنم دیا تھا تاہم نانا پاٹیکر نے تمام الزامات کی تردید کی تھی۔