"میری پہلی کمائی 25 ہزار روپے تھی، اور وہ لمحہ میرے لیے کسی خواب کی تعبیر جیسا تھا — تب مجھے لگا کہ واقعی مجھ میں کچھ خاص ہے" سوشل میڈیا کی چمکتی دنیا میں اپنی الگ پہچان بنانے والی ربیکا خان نے حالیہ پوڈکاسٹ میں نہ صرف اپنے ابتدائی سفر پر روشنی ڈالی بلکہ پہلی کمائی کی خوشی، یوٹیوب پر کامیابی، اور اپنے منگیتر حسین ترین سے جڑی باتوں کو بھی کھل کر بیان کیا۔ ربیکا نے بتایا کہ "2019 میں جب میں نے ویڈیوز بنانا شروع کیں تو شاید ہی کسی نے انہیں دیکھا ہو — بمشکل 100 ویوز آتے تھے، لیکن جیسے جیسے وقت گزرا، وہی ویڈیوز لاکھوں آنکھوں کا مرکز بن گئیں۔" انہوں نے یوٹیوب پر اپنی سرگرمیوں کے بارے میں بتایا کہ آج کل وہ اپنی والدہ کے ساتھ کھانا پکانے کی ویڈیوز شیئر کرتی ہیں، اور لوگوں کو یہ کانٹینٹ بہت پسند آ رہا ہے۔ ربیکا نے یہ بھی کہا کہ یوٹیوب ان کے لیے ایک اہم پلیٹ فارم ہے جس پر وہ خاص توجہ دیتی ہیں۔ جب ان سے ٹک ٹاک کی کمائی پر سوال کیا گیا، تو وہ ماضی کی ایک خوشی بھری یاد میں چلی گئیں۔ "جب پہلی بار 25 ہزار کی رقم میرے ہاتھ میں آئی، تو یقین ہی نہیں آ رہا تھا، میں نے خود سے کہا: لوگ واقعی مجھے دیکھنا چاہتے ہیں، کچھ تو بات ہے مجھ میں۔" ربیکا نے انٹرویو میں اپنے والد، معروف کامیڈین کاشف خان، کی سپورٹ کا بھی تذکرہ کیا۔ "میرے ابو ہمیشہ میرے ساتھ کھڑے رہے — وہ نہ صرف حوصلہ دیتے ہیں بلکہ ہر موڑ پر مشورہ بھی دیتے ہیں۔ میری کامیابی دراصل انہی کی رہنمائی کا نتیجہ ہے۔" View this post on Instagram A post shared by Geo Podcast (@geonewspodcast) اور ہاں! ربیکا نے اپنے فالوورز کو یہ خوشخبری بھی دی کہ وہ بہت جلد حسین ترین کے ساتھ شادی کے بندھن میں بندھنے والی ہیں۔