پاکستان کے مایہ ناز مکسڈ مارشل آرٹسٹ راشد نسیم نے ایک اور عالمی اعزاز اپنے نام کرتے ہوئے باکسنگ پنچ کا نیا عالمی ریکارڈ قائم کر دیا ہے۔ ذرائع کے مطابق راشد نسیم نے صرف ایک منٹ میں 386 مرتبہ مکوں سے ٹارگٹ کو ہٹ کیا، یوں انہوں نے سابق ریکارڈ ہولڈر انگلینڈ کے جوشے کو پیچھے چھوڑ دیا، جنہوں نے 374 پنچز کا ریکارڈ بنایا تھا۔خیال رہے کہ راشد نسیم کو دنیا میں سب سے زیادہ پنچ کیٹیگری کے ریکارڈ بنانے کا اعزاز حاصل ہے۔اس سے قبل وہ ایک گھنٹہ میں 32 ہزار چھ سو چھیاسی مکے مارنے کا ریکارڈ پاکستان کے نام کر چکے ہیں۔جبکہ ایک گھنٹے میں ایک کلو وزن کے ساتھ 24 ہزار سے زائد مکے بھی ہدف پر مار چکے ہیں۔