ایران کے وزیر خارجہ عباس عراقچی کا کہنا ہے کہ وہ یورپی ممالک کی بات سننے کے لیے جنیوا آئے ہیں،جب تک اسرائیل کے حملے جاری ہیں مذاکرات نہیں کریں گے۔ ان کا کہنا تھا کہ ہمیں روزانہ کی بنیاد پر نشانہ بنایا جا رہا ہے ایسے میں ایران کے میزائل پروگرام پر بات چیت ممکن نہیں۔ ایرانی وزیر خارجہ عباس عراقچی فرانس، جرمنی اور برطانیہ کے اپنے ہم منصبوں کے ساتھ ملاقات کے لیے جنیوا میں ہیں، جب کہ اسرائیل پورے ملک میں اپنے حملے جاری رکھے ہوئے ہے۔ایرانی وزیر خارجہ کا کہنا ہے کہ وہ مذاکرات نہیں کریں گے جب تک کہ یہ حملے جاری رہیں گے، اور ہم جوابی حملہ کریں گے اور اپنے انتقامی اقدامات کو جاری رکھیں گے۔ان کا کہنا تھا کہ ہمیں روزانہ کی بنیاد پر نشانہ بنایا جا رہا ہے ایسے میں ایران کے میزائل پروگرام پر بات چیت ممکن نہیں۔آپ کو یہ بات ذہن میں رکھنی ہوگی کہ ایران پہلے ہی امریکیوں کے ساتھ سفارتی بات چیت کے بیچ میں تھا، مذاکرات کا چھٹا دور اسرائیلی حملوں کی وجہ سے متاثر ہونے سے پہلے طے شدہ تھا۔